Почнувајќи од 2008, Секоја година по ред, Евангелска Црква-Неготино организира манифестација наречена „Денови на Надеж“. Оваа манифестација секогаш се одржува во втората половина на месец мај, во соработка со останатите Евангелски Цркви во Македонија и со хр.орг. “ConvoyofHope” (Конвој на Надеж) од Америка.

МАНИФЕСТАЦИЈАТА ГИ СОДРЖИ СЛЕДНИВЕ ДЕЛОВИ:

СОЦИЈАЛЕН ДЕЛ

Во социјалниот дел се вклучени проекти кои се од корист за целиот град, како на пример: чистење на улиците, средување на малите паркови, фарбање клупи или огради на мостови, пакети со храна-за сиромашните семејства, бесплатни лекарски прегледи... и др.Сите овие активности се изведуваат со помош на волонтери од редовите на Евангелска Црква во Р.М. или странски тимови, кои се дојдени специјално за манифестацијата.  

 
КУЛТУРЕН ДЕЛ

Програмата од областа на културата, вклучува кино проекции, концерти, театарски престави за деца, турнир во табла, промоција на книги...и слично. Интересот за овие настани, постојано расте и секоја година се трудиме да вметнеме некој нов настан.

 
ДУХОВЕН ДЕЛ

Духовниот дел во оваа манифестација се состои од Христијанска програма со песни и проповед, во која секој може да ја слушне пораката на евангелието. Исто така, посетителите можат бесплатно да добијат Библија (Нов Завет) и друга христијанска литература. Освен тоа, секој што има духовна потреба, може да разговара со некој црковните водачи или да побара тие да се молат за него/неа.

Местото на настаните (каде што е поставен големиот шатор) е кај спортската сала во Неготино. Манифестацијата обично трае три-четири дена и има огомна посетеност од луѓе од град Неготино и од околните места.